متأثرہ شخص کے اہل خانہ نے بتایا کہ قتل کے ایک معاملے میں پولیس نے اسے اور ایک دیگر شخص کو حراست میں لیا تھا وہیں پولیس کا کہنا ہے کہ نوجوان نے بذات خود اپنی پینٹ میں آگ لگائی ہے۔
متأثرہ کے اہل خانہ کے مطابق پانچ دن قبل مندھنا چوکی کےسامنے سے گذرنے والی کانپور، فرخ آباد ریلوے لائن کے کنارے ایک نوجوان کی لاش ملی تھی۔ اس معاملے میں بٹھور کے تھانہ انچارج سدھیر پوار نے ضلع اناو کے مونو اور سونونشاد کو حراست میں لیا تھا۔
اہل خانہ کا الزام ہے کہ دونوں کو بے رحمی سے پیٹا گیا اور ان کے جسم کے نچلے حصے میں پٹرول ڈال کر کرنٹ لگا دیا گیا۔جس سے مونو کے جسم میں آگ لگ گئی۔ جس کے بعد پولیس نے اسے ہسپتال میں داخل کرایا۔
ان کا کہنا ہے کہ ڈپٹی سپرنٹنڈنٹ آف پولیس سے سونو اور مونو نے ساری حقیقت بیان کی ہے۔ اس معاملے میں پولیس کا دعوی ہے کہ ایک نوجوان نے خود اپنی پینٹ میں آگ لگا لی تھی وہیں سینیئر پولیس سپرنٹنڈنٹ اننت دیو نے اس معاملے میں تھانہ انچارج کو معطل کردیا ہے۔
