Kishan Reddy on KCR and Family: 'ہمیں رشوت خوری اور خاندانی سیاست نہیں چاہیے'

مرکزی وزیر سیاحت جی کشن ریڈی نے کہا وزیراعلی کے چندرشیکھرراو،اصل موضوع سے ہٹ کرسیاست کررہے ہیں۔ہمیں رشوت خوری اور خاندانی سیاست نہیں چاہئے۔بی جے پی میں جمہوریت ہے، ایک معمولی کارکن بھی وزیراعلی،وزیراعظم یا صدرجمہوریہ بن سکتا ہے۔ Kishan Reddy on KCR and Family

مرکزی وزیر سیاحت جی کشن ریڈی نے کہا ہے کہ وزیراعلی کا بیٹا وزیراعلی نہیں بن سکتا۔بی جے پی مضبوط ہوتی جارہی ہے اور تلنگانہ کی حکمران جماعت ٹی آرایس کے رہنما خوفزدہ ہیں کہ ان کی کرسی چلی جائے گی۔کشن ریڈی نے حیدرآباد میں آج سے شروع بی جے پی کے دوروزہ عاملہ کے اجلاس کے موقع پر میڈیا سے بات کرتے ہوئے کہا کہ ٹی آرایس نے بی جے پی کے خلاف اشتہاربازی کے لئے عوام کی رقومات کا غلط استعمال کیا ہے۔وزیراعلی کے چندرشیکھرراو،اصل موضوع سے ہٹ کرسیاست کررہے ہیں۔ہمیں رشوت خوری اور خاندانی سیاست نہیں چاہئے۔بی جے پی میں جمہوریت ہے، ایک معمولی کارکن بھی وزیراعلی،وزیراعظم یا صدرجمہوریہ بن سکتا ہے۔ہمیں رشوت خور پارٹی سے سبق سکھینے کی ضرورت نہیں ہے۔ Kishan Reddy on KCR and Family

یواین آئی