حیدرآباد: یوسفین درگاہ کے احاطہ کی مسجد کی توسیع کرنے کا اعلان

اس موقع پر وقف بورڈ کے چیئرمین محمد سلیم نے عوام سے اپیل کی ہے کہ وہ درگاہ کے احترام کریں، وہاں گندگی نہ پھیلائیں۔

ریاست تلنگانہ کے دارالحکومت حیدرآباد میں واقع حضرت یوسفین رحمتہ اللہ علیہ کی درگاہ کے احاطہ کی مسجد کو وسیع کرنے کا اعلان وقف بورڈ کے چیئر مین محمد سلیم نے کیا۔

دراصل تلنگانہ وقف بورڈ کے چیئرمین محمد سلیم نے آج حیدرآباد کی مشہور درگاہ (حضرت یوسفین رحمتہ اللہ علیہ) کا دورہ کیا۔

بتایا جا رہا ہے کہ درگاہ حضرت یوسفن کے بیرون حصہ میں قبرستان کی بے حرمتی ہو رہی ہے۔ قبرستان میں کپڑے دھوئے جا رہے ہیں، کچھ لوگ قبرستان کے احاطہ میں زندگی بسر کررہے ہیں۔

اس موقع پر وقف بورڈ کے چیئرمین محمد سلیم نے عوام سے اپیل کی ہے کہ وہ درگاہ کے احترام کریں، وہاں گندگی نہ پھیلائیں۔ درگاہ کے وضو خانہ و طہارت خانہ خستہ ہو چکے ہیں۔

انہوں نے درگاہ کے وضو خانہ و طہارت خانہ کے تعمیراتی کام کرنے کے اعلان کیا ہے۔