رچہ کنڈہ پولیس کلچرل ٹیم کے ارکان نے ٹریفک جنکشنس کے قریب پروگرام منعقد کرتے ہوئے یہ بیداری پیدا کی۔ اس کلچرل پروگرام میں شامل افراد نے انوکھے انداز کے لباس پہن کر عوام میں بیداری پیدا کی اور ماسک کو لازمی قرار دیتے ہوئے کہا کہ ماسک کا استعمال بھی اس وبا کو پھیلنے سے روکنے میں معاون ہوسکتا ہے۔
کمشنر پولیس رچہ کنڈہ نے ماسک نہ لگانے والوں کو انتباہ دیتے ہوئے کہا کہ ماسک نہ لگانے پر ایک ہزار روپئے جرمانہ عائد کیا جائے گا۔
کمشنر پولیس نے تمام تجارتی اداروں اور دکانات کے مالکین سے خواہش کی کہ وہ گاہکوں میں اس خصوص میں بیداری پیداکریں۔
مزید پڑھیں:
تلنگانہ میں کووڈ 19 کے 2,909 نئے معاملات درج
رچہ کنڈہ پولیس کی اس خصوصی مہم کی ویڈیو رچہ کنڈہ پولیس کمشنریٹ کے ٹوئیٹر ہینڈل پر بھی پوسٹ کی گئی، جس کو اب تک کئی افراد نے دیکھا اور اس کی ستائش کی۔ اس 45 سکنڈ کی ویڈیو کو کئی افراد نے وقت کی اہم ضرورت قراردیا۔
یواین آئی
