ریاست تلنگانہ کے منسٹر آف فائنانس ہریش راؤ نے بابو جگجیون رام کی یوم پیدائش کے موقع پر سدی پیٹ ضلع میں ان کے مجسمہ پر گلہائے عقیدت پیش کیا۔ اس موقع پر انہوں نے کہا کہ ملک کے لئے ان کی خدمات مثالی رہی ہیں۔ انہوں نے زور دیتے ہوئے کہا کہ بابو جگجیون رام نے دلتوں کی فلاح وبہبود کے لئے بے تھکان خدمات انجام دی تھیں۔ وزیر موصوف نے تمام پر زور دیا کہ وہ بابو جگجیون رام کی مساعی سے جذبہ حاصل کریں۔
انہوں نے نشاندہی کی کہ وزیراعلیٰ کے چندر شیکھرراؤ نے ایس سی طبقہ کو بااختیار بنانے کے لئے ریاستی بجٹ میں ایک ہزار کروڑ روپئے،کے سی آر ایس سی امپاورمنٹ اسکیم کے تحت الاٹ کئے ہیں۔ انہوں نے اس موقع پر بابو جگجیون رام کی خدمات کو بھرپور خراج عقیدت پیش کیا۔ ریاست کے مختلف مقامات پر بھی بابو جگجیون رام کی یوم پیدائش منائی گئی۔کئی سیاسی جماعتوں کے لیڈروں نے اس موقع پر ملک کے لئے ان کی خدمات اور قربانیوں کو یاد کیا۔
یو این آئی
