حیدرآباد: تلنگانہ کے ریاستی وزیر انفارمیشن ٹکنالوجی کے تارک راما راؤ نے محبوب نگر ٹاون میں بس اسٹینڈ کے قریب حکمران جماعت ٹی آرایس کا پرچم لہرایا۔ بعد ازاں انہوں نے ایکسپو پلازہ میں شانتا نارائن گوڑ ٹرسٹ کے زیراہتمام وزیر سرینواس گوڑ کی جانب سے قائم کردہ مفت کوچنگ سنٹر میں امیدواروں کو مسابقتی امتحانات کی کتابیں حوالے کیں۔ KTR Social Media
اس موقع پر اظہار خیال کرتے ہوئے ریاستی وزیر نے کہا کہ محبوب نگر ٹاون وزیر آبکاری و سیاحت سرینواس گوڑ کی سرپرستی میں بڑے پیمانے پر ترقی کر رہا ہے۔ انہوں نے کہا کہ محبوب نگر ٹاؤن کو وزیر سرینواس گوڑ کی درخواست پر ضروری فنڈز فراہم کیے جائیں گے۔ انہوں نے کہا کہ ان کا تعاون شہری ترقی کے لیے ہوگا۔ انہوں نے واضح کیا کہ 'وزیراعلی چندر شیکھرراؤ نے ریاست میں بے روزگاروں کے لیے تقریباً 90 ہزار ملازمتوں کا اعلان کیا ہے اور یہ عمل جاری ہے۔'
یہ بھی پڑھیں:Bandi Sanjay on Urdu: 'اردو والوں کو نوکریوں سے نکال دیں گے'
یواین آئی
