تلنگانہ کے یادادری بھونگیر ضلع میں پیش آئے ایک سڑک حادثہ میں ایک جوڑا ہلاک اور ان کی بیٹی شدید زخمی ہوگئی۔ یہ حادثہ ضلع کے گڈور علاقہ کے قریب اُس وقت پیش آیا جب ان کی کار نے رکی ہوئی لاری کو ٹکر مار دی۔
مہلوک جوڑے کی شناخت پرشانت اور ان کی بیوی سریشا کے طورپر کی گئی ہے جو حیدرآباد کے ناچارم کے رہنے والے ہیں۔ ان کی بیٹی سارہ اس حادثہ میں شدید زخمی ہوگئی۔
پولیس کے مطابق کار کا ٹائر پھٹ جانے کی وجہ سے پرشانت نے اپنا توازن کھو دیا اور یہ کار لاری سے ٹکرا گئی۔
یہ بھی پڑھیے
مغربی بنگال: قتل معاملہ، چار لاشیں گودام سے برآمد
اطلاع ملتے ہی پولیس موقع پر پہنچی جس نے جوڑے اور ان کی بیٹی کو علاج کے لیے بھونگیر کے ایریا ہسپتال منتقل کیا جہاں علاج کے دوران اس جوڑے کی موت ہوگئی اور سارہ کی حالت کے تشویشناک ہونے کے سبب اس کو حیدرآباد منتقل کیا گیا۔
