ریاست تلنگانہ میں بدھ کو27 کورونا مثبت کیسز درج ہوئے ہیں۔ اور آج دو لوگ اس وائرس میں مبتلا ہوکر ہلاک ہوگئے۔
ستائیس متاثرین میں 15 جی ایچ ایم سی سے تعلق رکنے والے افراد ہیں۔ جبکہ 12 مہاجر تارکین وطن کورونا پوسیٹیو پائے گئے ہیں۔
اس طرح کورونا مثبت مہاجرین کی کُل تعداد 89 ہوگئی ہے۔ اور ریاست میں کورونا متاثرین کی کل تعداد بڑھ کر 1661 ہوگئی۔
اس وقت ہسپتالوں میں 608 افراد زیرعلاج ہیں ۔بدھ کو دو لوگ صتیاب ہوئے ہیں جنھیں گھر بھیج دیا گیا۔ تلنگانہ میں اب تک صحتیاب ہونے والوں کی تعداد 1013 ہوگئی ہے۔
ریاست میں کووڈ-19 کی وباسے مزید دو کی موت ہوگئی ہے۔ اس طرح تلنگانہ میں اموات کی تعداد 40 ہوگئی ہے۔ تاہم پچھلے ایک ہفتے کی بہ نسبت آج کیسز کم سامنے آئے ہیں، جبکہ پچھلے ایک ہفتے سے مسلسل چالیس سے زیادہ کیسزہورہے تھے۔
