حیدرآباد میں بی جے پی کے دوروزہ قومی عاملہ کے اجلاس کے موقع پر ریاست کی حکمران جماعت ٹی آرایس کی جانب سے بائے بائے مودی ریلی نکالی گئی۔پرانا شہرحیدرآباد کے تاریخی چارمینار سے یہ ریلی نکالی گئی جس میں برسراقتدارجماعت کے حلقہ بہادر پورہ سے تعلق رکھنے والے کارکنوں نے شرکت کی۔ان کارکنوں کے ہاتھوں میں فلکسی تھا جس پر لکھاگیا تھا کہ بائے بائے مودی۔ساتھ ہی یہ کارکن بھی بائے بائے مودی کا نعرہ لگارہے تھے۔واضح رہے کہ گذشتہ چند دنوں سے شہر کے بعض مقامات پر بھی بائے بائے مودی کے فلکسی بورڈ س لگائے گئے تھے۔ TRS Rally in Hyderabad
واضح رہےکہ حیدرآباد میں ہفتے کے روزسے بی جے پی کی قومی ایگزیکٹیو میٹنگ شروع ہونے جارہی ہے۔ پورے شہر کو بھگوا میں رنگ دیا گیا ہے۔بی جے پی نے شہر بھر میں اپنے رہنماوں کے جھنڈے، بینرز، ہورڈنگز، فلیکسز اور بڑے بڑے کٹ آؤٹ لگائے ہیں۔ دو روزہ اجلاس کے موقع پر پارٹی کے حامیوں کی طرف سے ٹریفک کے بڑے چوراہوں کو سجا دیا گیا ہے۔
