ٹی آر ایس پارٹی نے وزیر اعلی کے سی آر کے قومی پارٹی کے اعلان کے تناظر میں ایک اہم فیصلہ لیا ہے۔ کے سی آر نے اپنے ملک گیر دورے کے لیے ایک چھوٹا طیارہ خریدنے کا فیصلہ کیا ہے۔ ٹی آر ایس طیارہ خریدنے کے لیے دسہرہ کے دن آرڈر دینے کا منصوبہ بنا رہی ہے۔ New Plane for Chief Minister KCR
ذرائع کے مطابق ٹی آر ایس نے جمعرات کےروز وزیراعلی کے سی آر کے قومی پارٹی بنانے کی تیاری کے پس منظر پر یہ فیصلہ لیا ہے۔ پارٹی سربراہ کے سی آر اپنے ملک گیر دوروں کے لیے ایک خصوصی چھوٹا طیارہ خریدیں گے۔ بتایا جاتا ہے کہ پارٹی اس کے لیے 80 کروڑ خرچ کرنے کو تیار ہے۔ معلوم ہوا ہے دسہرہ پر 12 سیٹوں والے طیارے کی خریداری کا آرڈر دینے کا فیصلہ کیا گیا ہے۔دسہرہ پر پارٹی کے نئے نام کے اعلان کے بعد خصوصی طیارے کی خریداری کا آرڈر دیا جائے گا۔ طیارے کی خریداری کے لیے عطیات جمع کرنے کا فیصلہ کیا گیا ہے، بتایا گیا کہ پارٹی کے خزانے میں 865 کروڑ روپے موجود ہے۔
واضح رہے کہ تلنگانہ کی حکمران جماعت ٹی آر ایس مقننہ پارٹی کا اجلاس 5 اکتوبر کو وجئے دشمی کے دن پارٹی کے ہیڈکوارٹرس تلنگانہ بھون میں منعقد کیا جائے گا۔ بتایاجاتا ہے کہ اس موقع پر پارٹی سربراہ و وزیراعلی کے چندرشیکھر راو اپنی قومی جماعت کا اعلان کریں گے۔ KCR on National Party
ذرائع کےمطابق قومی جماعت کے اعلان کے لئے وقت 1.19 منٹ دوپہر دیاگیا ہے۔ ان کی نئی قومی جماعت کا نام بھارت راشٹرا سمیتی (بی آر ایس) ہوگا۔ اس اجلاس کے بعد پارٹی کے کوارڈی نیٹرس کے ناموں کا انکشاف کیا جائے گا۔ کے سی آر نے قبل ازیں ہم خیال جماعتوں کے ساتھ کام کرنے کا اشارہ دیا ہے۔ سمجھاجاتا ہے کہ پارٹی کے ایجنڈہ میں ملک کے تمام کسانوں کو مفت بجلی کی فراہمی، تلنگانہ میں عمل کی جارہی اسکیمز رعیتو بندھو، رعیتو بیمہ کی ملک گیر توسیع بھی شامل ہے۔ TRS Orders New Flight for KCR
