ریاستی بی جے پی دفتر میں بی جے پی رہنماوں کے ساتھ گریٹر حیدرآباد میونسپل کارپوریشن کے سلسلے میں منعقد ہوئے اجلاس کے بعد بنڈی سنجے نے دعوی کیا کہ اس بار جی ایچ ایم سی انتخابات میں بی جے پی اپنا قبضہ جمائے گی۔
اس موقع پرانھوں نے کہا کہ حکمراں جماعت ٹی آر ایس نےپچھلی بار ترقیاتی کام اور بہبودی کے اقدامات کے کھوکھلے دعوے کیے اور جی ایچ ایم سی میں کامیابی حاصل کی۔ اس طرح پانچ برس میں کوئی کام نہیں کرتے ہوئے عوام کو دھوکہ دیا۔
انھوں نے کہا کہ اس بار عوام جی ایچ ایم سی میں بدلاو چاہتی اور یہ دیکھا جارہا ہےکہ لوگ وزیراعظم نریندر مودی کے فلاح وبہبودی کے اقدامات سے کافی متاثر ہورہے ہیں۔ انھوں نے کہا کہ اس بار جی ایچ ایم سی انتخابات میں بی جے پی کی کامیابی یقینی ہے۔
یہ بھی پڑھیں:نیٹ کے چھوٹے ہوئے امیدواروں کا امتحان 14 اکتوبر کو کرانے کا حکم
