وی سرینواس نامی شخص اپنے ارکان خاندان کے ساتھ پہاڑی پر واقع تروملاجارہا تھا۔وہ کل شب دس بجے اونگول ٹاون پہنچا تاکہ ہوٹل میں رات کا کھانا کھایاجاسکے۔جب انہوں نے ہوٹل کے سامنے کارٹہرائی تو کانسٹیبل،کارڈرائیور کے ساتھ زبردستی طورپر کار لے کر چلاگیا۔ CM Convoy Trial Run
سرینواس نے کہا کہ کانسٹیبل نے اس سے کہا کہ وزیراعلی جگن، 22اپریل کو اونگول کا دورہ کررہے ہیں اسی لئے ان کی گاڑیوں کے قافلہ کا ٹرائل رن کیاجارہا ہے۔کانسٹیبل نے سرینواس سے اصرار کیا کہ وہ کار اس کو دے دے اور کارکا ڈرائیور، گاڑیوں کے قافلہ کے ٹرائل رن میں حصہ لے۔اگرچہ کہ انہوں نے کہاکہ وہ پوجا کے لئے ارکان خاندان کے ساتھ تروملا جارہے ہیں، کانسیبل نے اس خاندان کو سڑک پر چھوڑتے ہوئے زبردستی ان کی انووا کار لے لی۔سرینواس نے اپنے رشتہ دار کو اس واقعہ سے واقف کروایا جنہوں نے اس خاندان کے لئے ایک اور کار کا انتظام کیا جس کے بعد ہی وہ جمعرات کی صبح تروملاپہنچ پائے۔اسی دوران سرکاری ذرائع نے بتایا کہ اس واقعہ پر وزیراعلی نے عہدیداروں پر برہمی کااظہار کیاجس کے بعد عہدیداروں نے موٹروہیکل انسپکٹر ایم سندھیا اور ہوم گارڈ تروپتی ریڈی کو معطل کردیا۔اس واقعہ پر ردعمل ظاہر کرتے ہوئے سابق وزیراعلی چندرابابونائیڈو نے اسے ظلم سے تعبیر کیا۔
یواین آئی
