تلنگانہ کے عازمین حج کا پہلا قافلہ تلبیہ کی گونج میں شہرحیدرآباد کے شمس آباد ایرپورٹ سے روانہ ہوا۔ مرکزی حج کمیٹی کے صدرنشین عبداللہ کٹی،وزیرداخلہ محمد محمود علی اور صدرنشین تلنگانہ اسٹیٹ حج کمیٹی محمد سلیم نے قافلہ کو اتوار کی رات دیر گئے جھنڈی دکھائی۔377عازمین پر مشتمل یہ قافلہ حج ہاوزسے شمس آباد ایئرپور ٹ کیلئے روانہ ہوا۔ Hajj Pilgrims from Telangana Left for the Holy Journey
یہ بھی پڑھیں: First Caravan of Hajj left Mumbai: ممبئی سے حج کا پہلا قافلہ روانہ
سعودی ایرلائنس سے مقدس سفر کیلئے روانہ عازمین کے قافلہ میں 214 کا تعلق حیدرآباد، 16 کا ضلع میدک،44 کا ضلع نلگنڈہ،2 کا ضلع سنگاریڈی، 16 کا ضلع سدی پیٹ، 2 کا ضلع گدوال، 12 کا ضلع یادادری بھونگیر اور 11 کا تعلق میڑچل ملکاجگری سے ہے۔اس طرح دوسال کے وقفہ کے بعد تلنگانہ اسٹیٹ حج ہاؤز میں حج 2022 کی سرگرمیاں بحال ہوگئیں۔اس موقع پر شیخ الجامعہ جامعہ نظامیہ مولانا مفتی خلیل احمد اور دوسرے موجود تھے۔
یواین آئی
