تلنگانہ: سڑک حادثہ میں ساس، بہو ہلاک

ڈرائیونگ لائسنس کی تجدید کے لیے جانے کے دوران پیش آئے سڑک حادثہ میں ساس اور بہو موقع پر ہی ہلاک ہوگئے۔

یہ حادثہ تلنگانہ کے ضلع رنگاریڈی کے آدی بٹلہ پولیس اسٹیشن حدود کے راگنا گوڑم گیٹ، ساگر ہائی وے پر اُس وقت پیش آیا جب اسکوٹی پر جانے والی ساس اور بہو جن کی شناخت کوتہ پیٹ کی رہنے والی 56 سالہ رما (ساس) اور 24 سالہ ہیماجی (بہو)کے طورپر کی گئی ہے کی اسکوٹی کو تیز رفتار ٹپر لاری نے ٹکردے دی۔

حادثہ اتنا شدید تھا کہ دونوں خواتین موقع پر ہی ہلاک ہوگئیں۔حادثہ کا مقام دلخراش منظر پیش کررہا تھا۔یہ دونوں خواتین ڈرائیونگ لائسنس کی تجدید کے لیے جارہی تھیں کہ منوگوڑہ آر ٹی اے آفس کی سڑک پر یہ حادثہ پیش آیا۔

ساس رما آندھرا بینک کی ملازمہ تھی۔ حادثہ کی اطلاع ملتے ہی پولیس مقام حادثہ پر پہنچ گئی اور لاشوں کو پوسٹ مارٹم کے لیے بھیج ہسپتال منتقل کیا گیا۔ پولیس نے اس سلسلہ میں ایک معاملہ درج کرکے جانچ شروع کردی۔