ریاستی وزیر صحت ایٹلہ راجندر اور چیف سیکریٹری شومیش کمار نے آج پریس کانفرنس کے دوران کورونا وائرس کے اعداد و شمار سے واقف کرواتے ہوئے کہا کہ ریاست اور شہر کے حالات معمول پر ہیں، اسپتال خالی ہیں، مریضوں کی تعداد نہایت کم ہے۔
اعداد و شمار کے اعتبار سے تلنگانہ دیگر ریاستوں کے مقابلے بہتر کارکردگی انجام دے رہا ہے اور کورونا سے ہونے والی اموات کی شرح بھی نہایت کم ہے۔
پرانے شہر میں کورونا متاثرین کی بڑھتی تعداد اور اسپتالوں کی عدم موجودگی و حکومت کی جانب سے کئے جانے والے احتیاطی اقدامات کے متعلق پوچھے گئے سوال کے جواب میں شومیش کمار نے بتایا کہ پرانے شہر کے متاثرین کو ہوم کوارنٹین کی سہولت فراہم کی گئی ہے اور ہنگامی صورتحال میں ہی اسپتال میں داخل ہونے کا مشورہ دیا۔
انہوں نے بتایا کہ حکومت اپنے طور پر ممکنہ اقدامات کر رہی ہے کورونا وائرس اور اس سے ہونے والی اموات پر قابو پانا حکومت کی اولین ترجیح ہے، جس میں حکومت نے خاطر خواہ کامیابی حاصل کی ہے۔
