تلنگانہ کے وزیر ٹرانسپورٹ پی اجئے نے آج صبح کھمم شہر کے کئی علاقوں میں سائیکل دورہ کیا۔
اس موقع پرانھوں نے سڑکوں کی حالت ڈرائینج سسٹم اور عوامی مسائل سے متعلق آگاہی حاصل کی۔
کھمم ضلع کارپوریشن کے انتخابات کے پیش نظر وزیر نے شہر کا دورہ کرتے ہوئے حالات کا جائزہ لیا۔
اس موقع پر انھوں نے متعلقہ کارپوریٹرز کو ہدایت کی کہ وہ سڑکوں کی مرمت اور تعمیر کا کام مکمل کریں۔ پانی کی قلت کے مسائل پر وزیر نے لوگوں سے کہا کہ یہ مسئلہ بہت جلد حل ہوجائے گا۔ کیونکہ مشن بھگیرتا کے تحٹ پائپ لائنز ڈالنے کا کام جاری ہے اور یہ جلد ہی مکمل کرلیا جائے گا۔ جس کے بعد ہر گھر میں پانی سپلائی ہوگا۔
اس موقع پر انھوں نے مونسپل کمشنر کو ہدایت کی کہ وہ ہر روز کوڑا کرکٹ ہٹا دیں اور روزانہ ڈویژنوں میں صفائی ستھرائی کو یقینی بنائیں۔
یہ بھی پڑھیں:'تلنگانہ کی طرح آندھراپردیش میں ہندو متحد ہوجائیں'
