تلنگانہ قانون ساز کونسل کے صدرنشین کے عہدہ کیلئے ریاست کی حکمراں جماعت ٹی آر ایس کے رکن قانون ساز کونسل جی سکھیندر ریڈی نے آج پرچہ نامزدگی داخل کیا۔ Gutha Sukhender Reddy Filed Nomination Papers
سکریٹری مقننہ نرسمہا چاریلو کے دفتر پہنچ کر انہوں نے اس عہدہ کے لیے پرچہ نامزدگی داخل کیا۔ اس عہدہ کے لیے انتخاب پیر کو ہوگا۔
یہ بھی پڑھیں: Sharmila Yatra in Telangana: تلنگانہ میں شرمیلا کی یاترا جاری
قانون ساز کونسل کے صدرنشین کے طور پر دوسری مرتبہ موقع فراہم کیے جانے پر انہوں نے وزیراعلی کے چندرشیکھرراؤ سے اظہار تشکر کیا، اس عہدہ کے لیے بالاتفاق انتخاب کے سلسلہ میں تمام جماعتوں سے انہوں نے اظہار تشکر کیا۔ سکھیندر ریڈی، ایم ایل اے کوٹہ سے تلنگانہ قانون ساز کونسل کے رکن بنائے گئے ہیں۔ پرچہ نامزدگی داخل کرنے کے موقع پر سکھیندر ریڈی کے ساتھ ریاستی وزیر ستیہ وتی راتھوڑ، ارکان اسمبلی اور ارکان کونسل بھی موجود تھے۔
یو این آئی
