تلنگانہ میں فلم شوٹنگ کی اجازت

تلنگانہ حکومت نے فلموں کی شوٹنگ پر عائد پابندی کو ہٹانے کا فیصلہ کیا ہے۔

تلنگانہ کے وزیراعلیٰ کے چندرشیکھر راؤ کی صدارت میں آج ایک اعلیٰ سطحی اجلاس منعقد ہوا جس میں کورونا کی صورتحال، لاک ڈاون اور دیگر امور پر غور وخوص کیا گیا۔

کے سی آر نے ریاست میں فلم شوٹنگ کی اجازت دینے کا اعلان کیا۔

واضح رہے کہ متعلقہ وزیر ٹی سرینواس یادو گذشتہ کئی دنوں سے فلمی شخصیتوں سے ملاقات کرکے اس بارے میں تبادلہ خیال کر رہے تھے۔ آج انہوں نے تمام تفصیلات سے وزیراعلیٰ کو واقف کروایا جس کے بعد کے سی آر نے شوٹنگ کی اجازت دینے کا اعلان کیا۔