حیدرآباد: تلنگانہ کے وزیر اسپورٹس سرینواس گوڑا نے آج کہا ہے کہ 'حیدرآباد کرکٹ ایسوسی ایشن(ایچ سی اے) کو دیہی نوجوانوں میں کرکٹ کی صلاحیتوں کا پتہ لگانے کے لئے کام کرنا چاہئے۔
وزیر موصوف نے حیدرآباد کے اپل راجیو گاندھی انٹرنیشنل کرکٹ گراؤنڈ میں ایچ سی اے کے کھلاڑیوں کے لئے کوویڈ ٹیکہ اندازی کے سنٹر کا افتتاح کیا۔
اس موقع پر وزیر موصوف نے ایچ سی اے کو ہدایت کی کہ وہ تمام اضلاع کے نوجوانوں کو کرکٹ میں بہترین کارکردگی کا مظاہرہ کرنے کے لئے مفت تربیتی مراکز شروع کریں۔
مزید پڑھیں:
سی ایم کیمپ آفس میں داخل ہونے کی کوشش، لڑکی کو پولیس نے حراست میں لیا
انہوں نے انکشاف کیا کہ حکومت کھیلوں کی بہترین پالیسی کا جلد اعلا ن کرے گی۔ جلد ہی کابینی ذیلی کمیٹی کا اجلاس منعقد کیاجائے گا۔
ایچ سی اے کے ذمہ داروں سے اس تعلق سے تبادلہ خیال کیاجائے گا اور ان کے رائے مشورے لئے جائیں گے۔ انہوں نے واضح کیا کہ تلنگانہ میں بہترین اسپورٹس مین موجود ہیں۔
