ریاست تلنگانہ کے ضلع عادل آباد کے بس میں سفر کرنے والے مسافروں میں سے چار کے کورونا وائرس سے متاثر پائے جانے کے بعد بس میں سفر کرنے والے دیگر مسافروں سے کہا گیا ہے کہ وہ اپنے گھروں میں خود کو الگ تھلگ کرلیں۔
دراصل عادل آباد جانے والی آر ٹی سی بس میں یہ افراد سوار ہوئے تھے۔ بس کے دیگر مسافرین سے درخواست کی گئی کہ وہ راجیو گاندھی انسٹی ٹیوٹ آف میڈیکل سائنسس عادل آباد میں اپنی کورونا کی جانچ کروائیں۔
ڈسٹرکٹ میڈیکل اینڈ ہیلت آفیسر نریندر راتھوڑ نے کہا کہ 'نرمل سے عادل آباد 3 جولائی کو 21 مسافرین نے بس میں سفر کیا تھا۔ اس بس میں سفر کرنے والے چار مسافرین کے کورونا سے مثبت پائے جانے کی اطلاع ملی ہے۔'
انہوں نے کہا کہ 'بقیہ مسافرین کی نشاندہی کا کام کیا جارہا ہے۔'
