وزیر فینانس ہریش راؤ نے الزام عائد کیا کہ قیمتوں میں اضافہ کے ذریعہ مرکزی حکومت غریب عوام کی زندگی کو اجیرن کررہی ہے۔ انہوں نے کہا کہ مرکز کی بی جے پی حکومت نے گزشتہ 8 برسوں میں ایک بھی ایسا کام انجام نہیں دیا جسے غریبوں کے حق میں کارنامہ قرار دیا جاسکے۔ Harish Rao on BJP
ہریش راؤ نے گجویل میں شادی مبارک اور کلیان لکشمی اسکیمز کے چیکس استفادہ کنندگان میں تقسیم کئے۔ 368 غریب خاندانوں میں فی کس ایک لاکھ 116 روپئے کی امدادی رقم حوالے کی گئی۔
اس موقع پر خطاب کرتے ہوئے ہریش راؤ نے کہا کہ ملک میں کلیان لکشمی اور شادی مبارک اسکیمز منفرد نوعیت کی حامل ہے اور کسی بھی ریاست میں غریب لڑکیوں کی شادی پر خطیر رقم بطور امداد نہیں دی جاتی۔ انہوں نے کہا کہ تلنگانہ کی کئی فلاحی اسکیمز کو دیگر ریاستوں نے اختیار کیا ہے۔
