تلنگانہ کے وزیر زراعت نرنجن ریڈی نے کہا کہ مہادھرنا ریاست کے کسانوں کے مفاد میں منعقد کیا گیا ہے۔ وزیرموصوف نے اندرا پارک میں ریاست کی حکمران جماعت ٹی آرایس کے زیراہتمام منعقدہ اس دھرنے سے خطاب کرتے ہوئے مرکز کے رویہ پر شدید نکتہ چینی کی۔
انہوں نے کہاکہ مرکزکی مبہم پالیسیوں کی وجہ سے تلنگانہ کے کسانوں کو کافی نقصان ہو رہا ہے۔ انہوں نے کہاکہ مرکزی حکومت تلنگانہ سے دھان کی خریداری نہیں کررہی ہے۔انہوں نے انتباہ دیتے ہوئے کہا کہ مرکز کو اپنے فیصلے پر نظر ثانی کرنی چاہیے ورنہ مرکز کو نقصان ہوگا۔
یہ بھی پڑھیں:ٹی آر ایس رکن اسمبلی سے متعلق غلط تشہیر پر بی جے پی کے چار کارکن گرفتار
انہوں نے کہا کہ وزیراعلی کے چندرشیکھرراو کی قیادت میں ریاستی حکومت نے ریاست میں زرعی شعبہ کو مستحکم کرنے کے ساتھ ساتھ ریاست میں پیداوار میں اضافہ کو یقینی بنایا۔انہوں نے کہا کہ ریاست میں شاندار پروجیکٹس بنائے گئے ہیں۔ رعیتو بندھو جیسی اسکیم سے کسانوں کی حوصلہ افزائی کی جارہی ہے۔
یو این آئی
