قبل ازیں کابینی اجلاس میں اس سلسلے میں فیصلہ لیا گیا اور وزیراعلیٰ کے چندرشیکھر راؤ نے پریس کانفرنس منعقد کرکے لاک ڈاون میں توسیع کا اعلان کیا۔
وزیراعلی نے فوڈ پروسسنگ صنعت کو لاک ڈاون سے مستثنیٰ رکھا ہے۔ اس کے علاوہ اول تا نویں جماعت کے طلبہ کو اگلی جماعت کے لیے پروموٹ کرنے کا بھی فیصلہ کیا کیونکہ لاک ڈاون کی وجہ سے امتحانات کا انعقاد ناممکن ہوگیا ہے۔ کے سی آر نے ایس ایس سی کے امتحانات کے بارے میں بھی جلد کوئی فیصلہ لینے بھی بھی بات کہی۔
پریس کانفرنس سے کے دوران تلنگانہ کے وزیراعلیٰ نے کہا کہ پڑوسی ریاست مہاراشٹر میں کورونا وائرس کی صورتحال سنگین ہے۔ اسی لئے مہاراشٹر کی سرحد کو مکمل طور پر بند کردیا جائے گا۔
انہوں نے کہا کہ لاک ڈاون میں توسیع کے بعد دن میں تحدیدات اور رات کا کرفیو برقرار رہے گا۔
کے سی آر نے 30 اپریل تک ریاست میں کوروا وائرس کی صورتحال میں بہتری آنے کی امیدظاہر کی۔
