ڈی جی پی کے دفتر سے جاری کردہ بیان کے مطابق آج صبح سے بعض چینلس پر یہ خبریں گشت کر رہی تھیں کہ حیدرآباد میں مرکزی دستوں کو طلب کیا جا رہا ہے جبکہ یہ محض افواہ ہے اس میں کوئی صداقت نہیں ہے۔
ریاستی حکومت نے لاک ڈاون میں 15 اپریل تک توسیع کی ہے۔ ڈی جی پی نے قبل ازیں تمام عوام سے خواہش کی تھی کہ وہ سوائے ہنگامی صورتحال کے اپنے گھروں میں ہی رہیں۔24 گھنٹوں کے لیے 63 ہزارملازمین پولیس اور 19 ہزار ہوم گارڈس فرائض انجام دے رہے ہیں۔
اپنے ٹوئیٹر پیام میں ڈی جی پی نے کورونا وائرس سے متعلق نئی سرکاری معلومات کے لیے تلنگانہ پولیس کے ٹیلی گرام چینل سے جڑے رہنے کی خواہش کی تھی۔ انہوں نے ٹوئیٹ کرتے ہوئے کہا تھا کہ ٹیلی گرام میسنجر ڈاون لوڈ کریں اور اپ ڈیٹس کے لیے t.me/TelanganaState ٹیپ کریں۔
