وی ہنمنت راؤ نے کہا کہ کے سی آر کے آمیرانہ رویہ کے خلاف کانگریس پارٹی کی جانب سے احتجاج کیا جائے گا۔ انہوں نے کہا کہ وزیراعلیٰ اپوزیشن رہنماؤں کی آواز کو کچلنا چاہتے ہیں۔
انہوں نے کہا کہ بحران کی صورتحال میں عوام سے کی ناانصافیوں کے خلاف اپوزیشن رہنماؤں کی جانب سے اٹھنے والی آواز کو دبانے کی کوشش کی جارہی ہے جسے ہرگز برداشت نہیں کیا جائے گا۔
پردیش کانگریس کمیٹی کے صدر اتم کمار ریڈی نے مائیگرنٹ لیبرس کو راحت پہنچانے میں مرکز اور ریاستی حکومت پر ناکام ہونے الزام عائد کیا۔ انہوں نے گاندھی بھون میں کانگریس رہنما وی ہنمنت راؤ کی ایک روزہ بھوک ہڑتال کو ختم کروانے کے بعد کہا کہ لاک ڈاون کی وجہ سے سب سے زیادہ پریشانی مائیگرنٹ مزدوروں کو ہورہی ہے۔
