کانگریس کے سینئر رہنما راہل گاندھی کے خلاف آسام کے وزیراعلی ہیمنت بسواسرما کے نامناسب ریمارکس کے خلاف ریونت ریڈی نے کانگریس کے دیگر لیڈروں کے ساتھ مل کر جوبلی ہلز پولیس اسٹیشن میں اس سلسلہ میں شکایت درج کروائی تھی۔
کانگریس نے پولیس کمشنریٹس، ایس پیز کے دفاتر کے سامنے آج دھرنے دینے کی اپیل کی تھی جس کے پیش نظر پولیس نے تلنگانہ کانگریس کے تمام لیڈروں کو گھروں پر نظربند کردیا۔ Telangana Congress Leaders Under House Arrest
ریونت ریڈی حیدرآباد پولیس کمشنریٹ،کومٹ ریڈی وینکٹ ریڈی رچہ کنڈہ پولیس کمشنریٹ پر دھرنادینے والے تھے۔ ان کے ساتھ کانگریس کے لیڈران بھی اس دھرنے میں شرکت کرنے والے تھے تاہم ان لیڈروں کومٹ ریڈی وینکٹ ریڈی، محمد علی شبیر، ملو روی، ملو بھٹی وکرامارکا اور دیگر کو حراست میں لے لیاگیا۔
یہ بھی پڑھیں:
کانگریس نے تلنگانہ کے لیےسیاسی کمیٹی تشکیل دی
واضح رہے کہ تلنگانہ کانگریس نے بسوا کے خلاف ریاست کے تمام پولیس اسٹیشنوں میں شکایات درج کروائی تھیں اور احتجاج کرتے ہوئے مطالبہ کیا تھا کہ بسواسرما اپنے بیان کو واپس لیں۔ اس موقع پر ریونت ریڈی نے پولیس کو انتباہ دیتے ہوئے کہا تھا کہ ان کی شکایت پر کارروائی نہ کئے جانے پر پولیس اسٹیشنس کے سامنے دھرنادیاجائے گا۔
یو این آئی
