ریاست تلنگانہ میں 31 مئی کو لاک ڈاون ختم ہونے والا ہے جبکہ اس سلسلہ میں بھی کے سی آر اعلیٰ سطحی اجلاس میں تبادلہ خیال کریں گے۔
اطلاعات کے مطابق مانسون کے سلسلہ میں بھی وزیراعلیٰ اعلیٰ عہدیداروں کے ساتھ بات چیت کریں گے۔ اس کے علاوہ موجودہ لاک ڈاون میں کی جارہی رعایتوں میں بھی تبدیلی زیرغور رہنے کا امکان ہے۔
پرگتی بھون میں وزیراعلیٰ کی قیادت میں دوپہر دو بجے اعلیٰ عہدیداروں کے ساتھ جائزہ اجلاس منعقد ہوگا اور اس میں مستقبل کے لائحہ عمل پر غور و خوص کیا جائے گا۔
کے سی آر لاک ڈاون، کورونا کے پھیلاؤ کو روکنے کے لیے کیے جارہے اقدامات اور مانسون کے پیش نظر زرعی سرگرمیوں کا اعلیٰ سطحی اجلاس میں جائزہ لیں گے۔
اجلاس میں 2 جون کو تلنگانہ یوم تاسیس تقاریب کے سلسلہ میں بھی تبادلہ خیال کیا جائے گا اور اس سلسلہ میں اہم فیصلے لئے جائیں گے۔
