وزیر موصوف نے متحدہ ضلع ورنگل کے لئے استری ندھی کے ذریعہ 50لاکھ روپئے مالیتی آکسیجن کنسنٹریٹرس کی خریداری کرتے ہوئے ان کو مقامی آراینڈ بی گیسٹ ہوز میں ضلع کلکٹر کے حوالے کیا۔
اس موقع پر وزیر موصوف نے کہا کہ سرکاری اور پرائیویٹ اسپتالوں میں کورونا کے علاج کے لئے تمام طرح کی سہولیات فراہم کی جارہی ہیں۔وزیراعلی کے چندرشیکھرراو ورنگل کے ایم جی ایم اسپتال کی نئی صورت گری کرنے کے پابند عہد ہیں۔
انہوں نے کہاکہ مرکز نے تلنگانہ سے ٹیکوں کے معاملہ میں تعاون نہیں کیا اسی لئے ٹیکوں کے لئے گلوبل ٹنڈرس طلب کئے گئے۔ریاست میں صحت عامہ کافی بہتر ہے۔
انہوں نے کہاکہ ریاست میں کورونا کا علاج کرنے والے پرائیویٹ اسپتالوں کی جانب سے زائد فیس کی وصولی کے خلاف تشکیل دی گئی کمیٹی صورتحال پر مسلسل نظر رکھی ہوئی ہے۔ایم جی ایم اسپتال کے لئے 275آکسیجن فلومیٹرس فراہم کئے گئے ہیں۔
