تلنگانہ کے وزیراعلی کے چندر شیکھر راؤ نے سیلاب سے متاثرہ مُلگ ضلع کا دورہ کیا۔ قبل ازیں وہ ہیلی کاپٹر کے ذریعہ متحدہ ورنگل اور کھمم اضلاع کا دورہ کرنے والے تھے تاہم موسم کی خرابی کی وجہ سے انہوں نے فضائی سروے کو ملتوی کردیا اور بذریعہ بس مُلگ ضلع کے سیلاب سے متاثرہ علاقوں کا معائنہ کیا۔ KCR Visits Mulugu District
اپنے دورہ کے حصہ کے طورپر انہوں نے پہلے ایٹوروناگارم کے رامناگوڑم کے پشکر گھاٹ کا دورہ کیا جہاں انہوں نے سیلاب کی تباہ کاریوں کی تفصیلات سے واقفیت حاصل کی۔ انہوں نے سیلاب کے متاثرین سے بھی ملاقات کی۔ انہوں نے ضلع کلکٹر کرشنا آدتیہ اور دیگر عہدیداروں کے ساتھ جائزہ اجلاس منعقد کرتے ہوئے انہیں مختلف ہدایات بھی دیں۔ بعد ازاں انہوں نے بھدراچلم کا دورہ کیا اور سیلاب کی صورتحال کا جائزہ لیا۔ دریائے گوداوری میں پانی کا شدید بہاؤ درج کیاجارہا ہے۔ انہوں نے مختلف مقامات پر عوامی نمائندوں کے ساتھ ساتھ اعلی عہدیداروں کے ساتھ بارش کی صورتحال کا تفصیلی جائزہ لیا۔
یواین آئی
