وزیراعلیٰ کے چندرشیکھر راؤ کی صدارت میں منعقد ہونے والے کابینی اجلاس میں 7 مئی کے بعد لاک ڈاون میں توسیع اور دیگر پر غور و خوص کیا جائے گا۔
اجلاس میں مرکزی حکومت کی جانب سے لاک ڈاون میں توسیع اور مختلف علاقوں کو ریڈ زون قرار دینا اور دیگر زونس میں رعایتوں سے متعلق تبادلہ خیال کیا جائے گا اور اہم فیصلے لئے جائیں گے۔
قبل ازیں مرکز کی جانب سے دوسرے مرحلہ کے لاک ڈوان کو 3 مئی تک توسیع دی گئی تھی جبکہ تازہ احکامات کے مطابق اس میں مزید 14 دن کی توسیع دی گئی ہے۔ ریاستی حکومت نے بھی لاک ڈاون میں 7 مئی تک توسیع کی تھی۔ کابینی اجلاس میں لاک ڈاون میں مزید توسیع پر اہم فیصلے لئے جائیں گے۔
واضح رہے کہ مرکزی حکومت نے ملک بھر میں نظرثانی شدہ ریڈ، آرینج اور گرین زونس کی فہرست کا اعلان کیا ہے جبکہ تلنگانہ کے چھ اضلاع کو ریڈ زون، 18 کو آرینج زون اور 9 اضلاع کو گرین زون قرار دیا گیا ہے۔
