تلنگانہ بی جے پی کے صدر بنڈی سنجے نے کورونا متاثرین کے لئے ضروری اشیا روانہ کی۔بنڈی سنجے جو پارلیمنٹ میں حلقہ لوک سبھا کریم نگر کی نمائندگی کرتے ہیں، نے اپنے حلقہ کے چیگُوتی دیہات کے کوویڈ19کے34 متاثرین کے لئے یہ اشیا بی جے پی کی طرف سے روانہ کیں۔
زعفرانی جماعت کے کارنوں نے 13قسم کی اشیا کو پالی تھین بیگس میں پیک کرتے ہوئے متاثرین کے گھروں تک پہنچایا۔اس موقع پر کورونا متاثرین نے اس مرض کی وجہ سے کام پر نہ جانے کے دوران بنڈی سنجے کی جانب سے ان کی مدد کرنے پر ان کا شکریہ اداکیاگیا۔
ان اشیا کو پہنچانے والے بی جے پی کارکنوں نے میڈیا سے بات کرتے ہوئے کہا کہ یہ متاثرین مزدوری کا کام کرتے ہیں تاہم اس وبا سے متاثر ہونے کی وجہ سے وہ کام پر نہیں جاسکتے،وہ معاشی مسائل کے بھی شکار ہیں۔ اسی کے پیش نظر ان کے گھروں تک یہ اشیا فراہم کرنے کا کام بنڈی سنجے نے کیا ہے۔
