Minority Declaration Congress 'تلنگانہ میں کانگریس کی حکومت بنی تو اقلیتوں کو یکساں مواقع ملیں گے'

حیدرآباد کے نامپلی میں واقع سٹی کنونشن سینٹر میں منعقدہ اجلاس میں کانگریس کے رہنماوں نے تلنگانہ میں اسمبلی انتخابات میں اپنی جیت کا دعویٰ کیا۔ ان کا کہنا ہے کہ جو پارٹی راجہ سنگھ کے خلاف امیدوار اتار نہیں سکتی ہے وہ کیا مسلمانوں کی فلاع و بہبود کا کام کرے گی۔

حیدرآباد: ریاست تلنگانہ میں رواں ماہ ہونے والے اسمبلی انتخابات 2023 کے مدنظر تمام تر تیاریاں زور شور سے جاری ہے۔ تمام سیاسی جماعتوں کی جانب سے ووٹرز کی توجہ اپنی اپنی طرف مبذول کرنے کے لئے ایڑی چوٹی کا زور لگا چکی ہیں۔ اسی درمیان حیدرآباد کے نامپلی میں واقع سٹی کنونشن سینٹر میں منعقدہ اجلاس میں کانگریس کے رہنماوں نے تلنگانہ میں اسمبلی انتخابات میں اپنی جیت کا دعویٰ کیا۔ ان کا کہنا ہے کہ جو پارٹی راجہ سنگھ کے خلاف امیدوار اتار نہیں سکتی ہے وہ کیا مسلمانوں کی فلاع و بہبود کا کام کرے گی۔

صدر ٹی پی سی سی اے ریونت ریڈی ایم پی، سابق مرکزی وزیر سلمان خورشید ریاستی ،وزیر کرنا ٹک سید ضمیر الدین احمد، چیر مین آل انڈیا مائناریٹی ڈپارٹمنٹ عمران پرتاپ گڑھی، رکن سی ڈبلیوی محمد اظہر الدین، ناصر حسین ایم پی نے آج سٹی کنونشن سنٹر نامیلی میں منعقدہ ایک تقریب میں تلنگانہ مائناریٹی ڈیکلریشن جاری کیا۔

چیرمین مائناریٹی ڈیکلریشن ڈرافٹ کمیٹی محمد علی شبیر کی صدارت میں منعقدہ اس تقریب میں ممتاز دانشوران اقلیتی کالجس کے سربراہان کانگریس اقلیتی قائدین اور کارکنوں کی کثیر تعداد نے شرکت کی۔ سابق وزیرو چیر مین مائناریٹی ڈیکلریشن کمیٹی تلنگانہ کانگریس محمد علی شبیر کی قیادت میں تیار کردہ مائناریٹی ڈیکلریشن کی کہا کہ اقلیتوں کے تمام طبقات کو معاشی طور پر با اختیار بنانے کیلئے کئی اہم تجاویز پیش کی گئی ہیں۔ کانگریس برسر اقتدار آنے پر اندرون 6 ماه ذات کی بنیاد پر مردم شماری کروانا اور تمام پسماندہ طبقات بشمول اقلیتوں کو تعلیم روزگار اور فلاحی :-/255,900 اسکیمات میں تحفظات کی فراہمی اقلیتوں کی فلاح و بہبود کے لئے بجٹ میں 4000 کروڑ روپے مختص کرنے کا اعلان کیا۔

اجلاس کے دوران یہ بھی اعلان کیا گیا کہ اقلیتی سب پلان بنانے اور نوجوانوں کو خود روزگار کیلئے سالانہ بجٹ میں 1000 کروڑ روپے مختص کرنے کی سفارش کی گئی ہے۔ اقلیتی نوجوان جو ایم فل اور پی ایچ ڈی کر رہے ہیں ان کو 5 لاکھ روپے مالی مدد فراہم کرنا شامل ہے۔ اس کے علاوہ پی جی کی تحمیل پر 1 لاکھ و پنے گریجویشن کی تکمیل پر 25 ہزار روپے بل پر 15 ہزار روپے اور دسویں جماعت کے کامیاب طلباء کو 10 ہزار روپے مالی مدد فراہم کی جائے گی۔

تمام مذاہب کے مذہبی شخصیات آئمہ وموز نین خادمین پادریوں اور گرنتھوں کو 10 تا12 ہزار روپے ماہانہ مشاہرہ دیا جائے گا۔ تلنگانہ اسٹیٹ مائناریٹی کمیشن ایکٹ 1998 میں ترمیم کرتے ہوئے اسے مستقل ادارہ بنایا جائے گا اور اس ادارے کی سالانہ رپورٹ کو ریاستی مقننہ میں پیش کیا جائے گا۔