گورنر نے اپنے خطاب میں کہا کہ تلنگانہ ریاست سیکولرزم کے اصولوں پر عمل پیراں ہیں جبکہ وزیراعلیٰ کے چندرشیکھر راؤ کی قیادت میں حکومت ہر شعبوں میں ترقی کر رہی ہے۔
انہوں نے کہا کہ 60 سالہ جدوجہد کے بعد ریاست تلنگانہ کا خواب پورا ہوا ہے۔ ریاست کی تشکیل کے بعد پانی اور برقی کے مسائل درپیش تھے لیکن حکومت ان مسائل کو جلد حل کرنے میں کامیاب رہی۔
تمیلی سائی سوندرا راجن نے خطاب کو جاری رکھتے ہوئے کہا کہ فلاحی اسکیموں کی عمل آوری میں ریاست کو اعلیٰ مقام حاصل ہے۔
انہوں نے ریاستی حکومت کی جانب سے چلائی جارہی مختلف اسکیمات کی ستائش کی۔
وزیر فینانس ٹی ہریش راؤ پہلی مرتبہ اتوار کے روز سال 21-2020 کا بجٹ پیش کریں گے جبکہ کونسل میں وزیر امور مقننہ پرشانت ریڈی بجٹ پیش کریں گے۔
کل گورنر کے خطبہ پر تحریک تشکر پر مباحث ہوں گے جس کے بعد حکومت کی جانب سے جواب دیا جائے گا۔ توقع ہے کہ اتوار کو بجٹ کی پیشکشی کے بعد اجلاس کی کاروائی کو منگل تک کےلیے ملتوی کردیا جائے گا۔ پیر کو ہولی کی تعطیل رہے گی اور منگل کو بجٹ پر مباحث ہوں گے۔
