تلنگانہ بی جے پی کا سشما سواراج کو خراخ عقیدت

تلنگانہ بھارتیہ جنتا پارٹی کی جانب سے قدآور رہنما سشما سواراج کو خراج عقیدت پیش کیا گیا۔

سشما سواراج کی اچانک موت سے پارٹی میں غم کا ماحول ہے جبکہ پارٹی دفتر میں پرچم کو آدھا نیچے اتار دیا گیا اور قائدین کی جانب سے سابق وزیر خارجہ کو بھرپور خراج عقیدت پیش کیا گیا۔
بی جے پی کارکنوں نے پارٹی صدر ڈاکٹر لکشمن سے ملاقات کرتے ہوئے انہیں پرسہ دیا۔
سشما سواراج کے دیرینہ رفیق و سابق مرکزی وزیر بنڈارو دتاتریہ نے سشما سواراج حرکیاتی قائد قرار دیتے ہوئے کہا کہ تلنگانہ کے قیام میں ان کا اہم کردار رہا ہے۔ 2009 کے بعد سے وہ پارلیمنٹ میں تلنگانہ کیلئے مسلسل آواز اٹھاتی رہیں اور قیام تلنگانہ کے بعد انہیں کی کاوشوں سے تلنگانہ ریاست میں آل انڈیا میڈیکل سائنس کے قیام کو منظوری ملی۔

صدر تلنگانہ بی جے پی ڈاکٹر لکشمن نے سشما سواراج کی خدمات کی ستائش کرتے ہوئے بتایا کہ وہ اپنے فرائض کو احسن خوبی نبھاتی تھیں۔ اپنی آخری میعاد کے دوران عرب ممالک میں پھنسے والے تلنگانہ کے ہزاروں مرد و خواتین کو وطن واپس لانے میں وہ کامیاب رہیں۔ ان کی موت سے نہ صرف بی جے پی بلکہ پورے ملک کو نقصان ہوا ہے۔