حیدرآباد: سشانت سنگھ راجپوت کے مداحوں کا احتجاج

احتجاجیوں نے الزام لگایا کہ راجپوت نے خودکشی نہیں کی بلکہ ان کا قتل کیا گیا ہے۔

مہلوک فلم اداکار سشانت سنگھ راجپوت سے انصاف کا مطالبہ کرتے ہوئے حیدرآباد میں ان کے مداحوں نے احتجاج کیا۔

اندراپارک کے دھرناچوک میں یہ احتجاج کیا گیا جس میں حصہ لینے والے افراد اپنے ہاتھوں میں پلے کارڈس تھامے ہوئے تھے۔ان پلے کارڈس میں اداکار کی تصاویر کو بھی لگایاگیا تھا۔اس موقع پر میڈیا سے بات کرتے ہوئے ان احتجاجیوں نے الزام لگایا کہ راجپوت نے خودکشی نہیں کی بلکہ ان کا قتل کیاگیا ہے۔اسی لئے اس معاملہ کی سی بی آئی جانچ کی ضرورت ہے۔انہوں نے اپنے مطالبہ کی حمایت میں نعرے بھی لگائے۔