قبل ازیں اس مسئلے پر ہائی کورٹ کی جانب سے صادر فیصلہ پر مداخلت کرنے سے متعلق عرضی پر سماعت کرنے سے جسٹس نوین سنہا اور جسٹس گوائی پر مشتمل سپریم کورٹ کی بینچ نے انکار کردیا۔
تلنگانہ میں انٹرمیڈیٹ کے نتائج کی اجرائی کے بعد ناکام طلبا کی خودکشی کے واقعات پر رپورٹ پیش کرنے اور مستقبل میں اسی طرح کے واقعات کو روکنے کے لیے اقدامات کرنے کی ہدایت دینے کی خواہش کرتے ہوئے ایک تنظیم سپریم کورٹ سے رجوع ہوئی تھی۔
بچوں کے حقوق کے لیے سرگرم اس تنظیم کے صدر اچوت راو نے کہا کہ وہ اس مسئلہ پر سپریم کورٹ کے فیصلہ کا احترام کرتے ہیں۔
