پولیس نے سوڈانی خاتون کی شناخت حائیبا محمد طحہ علی کی حیثیت سے کی ہے اور ایئرپورٹ حکام کے مطابق 62 سالہ خاتون نے جو وطن واپسی کی پرواز کا حصہ تھیں، ایرپورٹ پر تمام رسمی مراحل مکمل کرنے کے بعد، آر جی آئی ہوائی اڈے پر فلائیٹ J4-226/227 میں سوار ہونے سے قبل بورڈنگ گیٹ کے قریب دم توڑ دیا۔
یہ فلائیٹ سوڈان۔حیدرآباد۔مسقط کی روٹ پر سفرکر رہی تھی۔ آج صبح سات بجے سوڈان کی شہری حائیبا محمد طحہ علی وہیل چیر پر سوڈان واپسی کےلیے پرواز میں سوار ہونے کےلیے ایئرپورٹ پہنچی تھی جبکہ وہ بورڈنگ گیٹ کے قریب فوت ہوگئی۔
فوری طور پر اسے اپولو ہسپتال منتقل کیا گیا جہاں اسے مردہ قرار دیا گیا۔ پولیس نے مزید بتایا کہ وہ کینسر کی مریض تھیں اور گذشتہ سات ماہ سے بنجارہ ہلز کے ورینچی ہسپتال میں زیرعلاج تھیں۔
