لاک ڈاون میں لوگوں کو ایک جگہ جمع ہونےسے روکنے کےلیے گریٹر حیدرآباد میونسپل کارپوریشن نے اڈیشنل کمشنر کی سربراہی میں ایک خصوصی ونگ تشکیل دیا ہے جو عطیہ دہندگان سے کھانا و دیگر ضروری اشیا حاصل کرکے اسے غریب افراد میں مناسب انداز سے تقسیم کیا جائے گا۔
کارپوریشن کے مطابق مختلف تنظیموں و دیگر افراد کی جانب سے غریب افراد میں ضروری اشیا کی تقسیم کےدوران ضوابط کا خیال نہیں رکھا جارہا ہے اور ’سوشیل ڈسٹنس‘ پر عمل نہیں کیا جارہا تھا اسی لیے کارپوریشن نے یہ اقدام کیا ہے۔
میئر مونتو رام موہن نے کہا کہ غذا و دیگر سامان کی تقسیم کے دوران ہجوم کی وجہ س کورونا وائرس کے پھیلنے کا خطرہ لاحق ہے اسی لیے کارپوریشن کی جانب سے ایک سنٹرلائز ونگ کو تشکیل دیا گیا ہے تاکہ عطیہ دہندگان سے سامان وصول کرتے ہوئے اسے غریبوں کا مناسب انداز میں پہنچایا جاسکے۔
