محکمہ موسمیات نے کہا ہے کہ آئندہ 48 گھنٹوں کے دوران تلنگانہ کے اضلاع عادل آباد، نرمل، کومرم بھیم آصف آباد، منچریال، نظام آباد، جگتیال، پداپلی، راجنا سرسلہ، کریم نگرجئے شنکر بھوپال پلی،سدی پیٹ،ورنگل اربن،ورنگل رورل،جنگاوں،محبوب آباد،بھدرادری کوتہ گوڑم،کھمم اور سوریہ پیٹ کے بعض مقامات پر شدید سے شدیدترین بارش کا امکان ہے۔
اپنے بلیٹن میں محکمہ نے کہا 'آئندہ 24گھنٹوں کے دوران اے پی کے سریکاکلم، وشاکھاپٹنم، مشرقی گوداوری، مغربی گوداوری، کرشنا، گنٹور میں بھی بعض مقامات پرشدید بارش کا امکان ہے'۔
8 تا 11 اکتوبر کے دوران شمالی ساحلی اے پی، یانم کے ساتھ ساتھ 9 تا 11اکتوبر تلنگانہ، 9 اور10 اکتوبر کو رائل سیما میں شدید بارش کا امکان ہے۔
یہ بھی پڑھیے
کل سے کورونا کے خلاف بیداری مہم، مودی کابینہ کا فیصلہ
آئندہ پانچ دنوں کے دوران تلنگانہ، ساحلی اے پی اور رائل سیما میں گرج وچمک کے ساتھ بارش ہوگی۔ جنوب مغرب مانسون تلنگانہ میں گذشتہ 24 گھنٹوں کے دوران معمول کے مطابق رہا ہے۔
تلنگانہ کے بھدرادری کوتہ گوڑم، کھمم محبوب آباد، اے پی کے ضلع کرشنا کے ساتھ ساتھ رائل سیما میں بعض مقامات پر بارش ہوئی۔
