حیدرآباد: امریکہ میں پیش آئے سڑک حادثہ میں تلنگانہ کے منچریال ضلع سے تعلق رکھنے والا ایک سافٹ ویر انجینئر ہلاک ہوگیا۔ اس کی شناخت 36 سالہ پی ومشی کرشنا کے طور پر کی گئی ہے۔ ذرائع نے بتایا کہ مقامی ریڈی کالونی کے آر ٹی سی کے موظف ملازم سبرامنیم کا بیٹا ومشی کرشنا 11 سال پہلے امریکہ گیا تھا جہاں وہ ایری زونا شہر میں سافٹ ویر انجینئر کے طور پر خدمات انجام دیا کرتا تھا۔ software engineer from Telangana Died in US
سبرامنیم کی بیٹی پدما اپنے شوہر منوج کے ساتھ امریکہ میں ہی مقیم تھی۔ تاہم پدما دو ماہ پہلے منچریال ضلع میں اپنے مائیکے آئی تھی۔ کل شب سبرامنیم کے داماد منوج نے فون کرتے ہوئے بتایا کہ ومشی کرشنا سڑک حادثہ میں ہلاک ہو گیا ہے۔ حادثہ کیسے ہوا اس بات کا پتہ ابھی تک نہیں چل سکا ہے۔
یہ بھی پڑھیں: آندھراپردیش کے نوجوان کی امریکہ میں موت
یو این آئی
