آندھراپردیش میں کسانوں کو ہتھکڑی پہنانے کا معاملہ سنگین نوعیت اختیار کر جانے کے بعد چھ پولیس اہلکاروں کو معطل کر دیا گیا ہے۔
محکمہ پولیس نے اس سلسلے میں کارروائی کرتے ہوئے چھ اے آر ہیڈ کانسٹبلز کو برطرف کر دیا ہے۔ اس سلسلے میں ضلع ایس پی وشال گنی نے معطل اہلکاروں کے نام میموز جاری کیے۔
ضلع گنٹور کے گرامین ایس پی وشال گنی نے ہدایات جاری کرتے ہوئے کہا کہ آر ایس آئی اور آر آئیز کو چارج میموز دئے گئے ہیں۔اس موقع پر ایس پی نے مقامی پولیس اہلکار کو پابند کیا کہ پولیس اہلکاروں کی جانب سے اس طرح کی حرکت دوبارہ نہیں ہونی چاہئے۔ اور انھوں نے اس واقعے کی تحقیقات کی ہدایت کی۔
نرساراو پیٹ سب جیل سے 43 قیدیوں کو منتقل کرنے کے دوران ان پولیس اہلکاروں نے امراوتی کے کسانوں کو بھی ہتھکڑی پہنادی۔
پولیس کے اس قدام کی ہر گوشے کی جانب سے مذمت کی جارہی ہے۔
امراوتی کےکسان کئی دنوں سے دارلحکومت کی منتقلی کے خلاف احتجاج کررہے ہیں۔
یہ بھی پڑھیں:اننت پورم پولیس نے مغوی دندان ساز کو ریسکیو کیا
