ای ٹی وی بھارت سے بات کرتے ہوئے شہلا رشید نے کہا کہ مرکزی حکومت نے کشمیر میں جو حالات برپا کئے ہیں اور آرٹیکل 370 سکریپ کیا ہے یہ نہ صرف غیر قانونی بلکہ غیر دستوری بھی ہے۔
انہوں نے کہا کہ 'جب حکومت کو 370 کے بارے میں کارروائی کرنی ہی تھی تو وہ جموں کشمیر میں انتخابات کرواتی اور صحیح طریقے سے قانونی طریقے اپنائے جاتے'۔
شہلا رشید نے مزید کہا کہ 'جس طرح بی جے پی کی قیادت والی مرکزی حکومت کارروائی کر رہی ہے اس سے یہی لگتا ہے وہ خود خطے میں امن کی خواہاں نہیں ہے اور جموں و کشمیر میں مصائب پیدا کرنے والی ہے'۔
انہوں نے کہا کہ 'حکومت کشمیر میں نہ صرف وہاں کے باشندوں کو خوف و ہراس کے دلدل میں دھکیل رہی ہے بلکہ سیاحوں کو بھی تکلیف میں ڈال رہی ہے'۔
شہلا رشید نے کہا کہ وہ حکومت کے اس فیصلہ کو سپریم کورٹ میں چیلنج کرینگی اور اس سلسلے میں ان کی وکلاء سے بات چیت جاری ہے۔
