تلنگانہ کے ضلع کاماریڈی کے بیرپورمنڈل مستقرمیں تیندوے کی موجودگی سے سنسنی پھیل گئی۔مقامی کسانوں نے کھیت میں اس تیندوے کو دیکھا اور فوری طورپر محکمہ جنگلات کے اسٹاف کو اس بات کی اطلاع دی۔
ان کسانوں نے محکمہ جنگلات کے عہدیداروں سے کہاکہ انہوں نے تیندوے کے ساتھ دو چھوٹے بچوں کو بھی دیکھا۔حال ہی میں کوناپور میں اس تیندوے نے دو مویشیوں پر حملہ کیا تھا۔
یہ بھی پڑھیں:حسین ساگر لوور ٹنک بنڈ کے قبرستان پر عمارت تعمیر کرنے کی کوشش
محکمہ جنگلات کے عہدیداروں نے اس تیندوے کے پیروں کے نشان دیکھے۔اس تیندوے کی وجہ سے خوفزدہ مقامی افراد نے اس کو پکڑنے کے لئے اقدامات کرنے کی محکمہ جنگلات کے عہدیداروں سے خواہش کی۔مقامی افراد کا کہنا ہے کہ گزشتہ دو ہفتوں سے بیر پور اور اس سے متصل علاقوں میں یہ تیندوا نظرآیا۔
یواین آئی
