آندھراپردیش میں ماسک نہیں لگانے پر 100 روپے جرمانہ

آندھراپردیش کے وزیر اعلی وائی ایس جگن موہن ریڈی نے حکام کو ہدایت دی ہے کہ ماسک نہیں لگانے پر 100 روپے جرمانہ وصول کیا جائے۔ انھوں نے کہا کہ ریاست بھر میں اس پر سختی سے عمل ہونا چاہیے۔

وزیراعلی جگن موہن ریڈی نے کورونا صورتحال سے متعلق وزرا اور حکام کے ساتھ تبادلہ خیال کیا۔ وزیر اعلی نے ریاست میں کرفیو نافذ کرنے کا فیصلہ کیا۔

انھوں نے حکام سے کہا کہ ریاست بھر میں رات دس بجے سے صبح چھ بجے تک کرفیو نافذ کیا جائے۔ صبح چھ بجے سے رات نو بجے تک روز مرہ کی سرگرمیاں حسب معمول جاری رہیں گی۔ رات نو بجے تمام دکانیں بند ہوجانی چاہیے۔

وزیر اعلی نے حکام سے کہا کہ ماسک نہیں لگانے پر100 روپئے کا جرمانہ لازمی کریں۔ پابندیوں کی خلاف ورزی کرنے والی دکانوں پر جرمانہ بھی عائد کیا جائے۔

انھوں نے مارکٹ اور شاپنگ مالز اور دیگر ہجوم والے علاقوں میں ماسک کے استعمال پر نظر رکھنے کےلیے مارکٹ کمٹیز تشکیل دینے کی بھی ہدایت دی۔