نیلور میں مرد ٹیلر کی جانب سے خاتون کانسٹیبلس کا ناپ لینے کا واقعہ ضلع کے اومیش چندراہال میں پیش آیا جہاں ایک مرد درزی کاوالی اور آتماکور ڈویژنز کی سکریٹریٹ کانسٹیلبس کے کپڑوں کا ناپ لے رہا تھا۔ Row over men taking body measurements of female police officials in Andhra Pradesh
اس واقعہ سے سیاسی جماعتوں کے ساتھ ساتھ سوشیل میڈیا کے پلیٹ فارمز پر عوام کی جانب سے شدید نکتہ چینی کی جارہی ہے۔
واقعہ کے سلسلہ میں سوالات پر ردعمل ظاہر کرتے ہوئے ضلع کے ایس پی وجے راو نے کہا کہ خاتون ملازمین کے لیے یونیفارم کی تیاری کی ذمہ داری آوٹ سورسنگ پر دی گئی ہے۔
انہوں نے کہا کہ اس واقعہ کا علم ہونے کے بعد ہی انہوں نے اصلاحی اقدامات شروع کردیے ہیں۔ انہوں نے کہا احاطہ میں ایک شخص قوانین کی خلاف ورزی کرتے ہوئے داخل ہوا اور تصاویر لیں۔ خواتین کی رازداری کی خلاف ورزی کرنے والے اس شخص کے خلاف کارروائی کی جائے گی۔
تلگودیشم لیڈر وی انیتا نے کہا کہ نیلور کا واقعہ اس بات کی مثال ہے کہ کس طرح وائی ایس آر کانگریس کے تحت خواتین کی خود اعتمادی کو مجروح کیاگیا۔
انہوں نے اس واقعہ پر حیرت کا اظہار کیا۔ انیتا نے سوال کرتے ہوئے کہا ’ہم ہمارے گھرکے قریب درزی کی دکان پر لڑکیوں کے لیے کپڑے سلوانے سے پہلے دو مرتبہ سوچتے ہیں۔ صرف پولیس کے یونیفارم کے لئے خاتون ملازمین پولیس کے ساتھ اس طرح کا رویہ اختیار کرنا مناسب نہیں ہے۔ کیا خاتون وزیر داخلہ کے ساتھ ساتھ وزیراعلی اور ڈی جی پی کے پاس سوچھ بوجھ ہے؟ اگر محکمہ پولیس میں کام کرنے والوں کا کوئی تحفظ نہیں ہے تو پھر ریاست میں کس طرح لڑکیوں کا وہ تحفظ کرسکتے ہیں؟‘
یہ بھی پڑھیں:
زندگی ختم کرنے کی درخواست، عدالت سے واپسی کے دوران بیمار لڑکا فوت
سی پی آئی کے ریاستی سکریٹری کے راما کرشنا نے دوسری طرف کہا کہ اگر پولیس ہی ایسی نازیبا اور غیر مناسب کام کو فروغ دے رہی ہے تو پھرایسا محسوس ہوتا ہے کہ معاشرتی زندگی میں خواتین کا تحفظ ممکن نہیں ہے۔ انہوں نے خاتون ملازمین کے تئیں نیلور پولیس کے عہدیداروں کے رویہ کی مذمت کی۔
یو این آئی
