یہ حادثہ آج صبح اُس وقت پیش آیا جب آرٹی سی بس کے ڈرائیور نے اس کا توازن کھودیا اور اس بس نے موٹربائیک پر گزرنے والے جوڑے کو ٹکر دے دی۔
یہ بس مشرقی گوداوری ضلع کے تونی ڈپو کی ہے۔بائیک پر سوار شخص کی شناخت رمناریڈی کے طورپر کی گئی ہے جو آرٹی سی میں کنڈکٹر کے طورپر خدمات انجام دیا کرتا تھا۔
یہ جوڑا عبداللہ پور میٹ کا رہنے والا تھا۔اس حادثہ میں ریڈی کے ساتھ اس کی بیوی وجیا بھی موقع پر ہی ہلاک ہوگئی۔
لاشوں کو پوسٹ مارٹم کے لئے عثمانیہ اسپتال منتقل کردیاگیا۔اس حادثہ کے ساتھ ہی مقامی افراد کی بڑی تعداد مقام حادثہ پر پہنچ گئی جنہوں نے احتجاج کرتے ہوئے مہلوک جوڑے کے ارکان خاندان کو معاوضہ فراہم کرنے کامطالبہ کیا۔
حادثہ کی اطلاع کے ساتھ ہی عبداللہ پور میٹ اور حیات نگر کی پولیس وہاں پہنچ گئی۔
