ایک جوڑا اور ایک خاتون ہلاک اور دیگر تین اس وقت زخمی ہو گئے جب نلگنڈہ ضلع کے وٹی مارتی علاقہ کے قریب ان کی کار نے ٹھری ہوئی لاری کو ٹکر مار دی۔ اس کار میں جملہ 8 افراد بشمول تین بچے سوار تھے جو اے پی کے ضلع مشرقی گوداوری کے کوتھاپلی سے حیدرآباد کی سمت جا رہی تھی۔ اس حادثہ میں تین بچے محفوظ رہے۔
مرنے والوں کی شناخت 45 سالہ جی سرینواس، اس کی بیوی 26 سالہ لکشمی اور 28 سالہ لکشمی چندنا کے طور پر کی گئی ہے۔ دوسرے حادثہ میں دو افراد ہلاک ہو گئے۔ یہ حادثہ جنگاوں ضلع کے رگھوناتھ پلی کے قریب اس وقت پیش آیا جب کار کے ڈرائیور نے اس کا توازن کھو دیا۔ اس حادثہ میں ایک شخص موقع پر ہی ہلاک ہو گیا جبکہ کار کے شدید زخمی ڈرائیور کی علاج کے دوران ہسپتال میں موت ہو گئی۔ یہ افراد ورنگل سے حیدرآباد کی سمت جا رہے تھے۔
