رچہ کنڈہ پولیس نے 17 سالہ لڑکی کی 21 سالہ شخص کے ساتھ ہونے والی شادی کو رکوادیا جبکہ لڑکی جواہر نگر میں رہتی ہے اور اس کی شادی 5 اگست کو یادگیری گٹہ کے ایک مندر میں مقرر تھی۔
کم عمر لڑکی کی شادی کے منصوبہ کی اطلاع ملنے کے بعد میڑچل ڈسٹرکٹ چائلڈ پروٹیکشن یونٹ کشائی گوڑہ شی ٹیم کے ساتھ لڑکی کے گھر پہنچی اور لڑکی سے رابطہ قائم کیا۔ ٹیم نے لڑکی کے خاندان کو بتایا کہ کم عمر بچیوں کی شادی غیرقانونی ہے اور انہیں اس سے باز رہنے کی ہدایت دی۔
نابالغ لڑکی کی شادی کے ایک اور منصوبہ کی اطلاع ملنے کے بعد میڑچل ڈسٹرکٹ چائلڈ پروٹیکشن یونٹ نے شی ٹیم کشائی گوڑہ پولیس کے ساتھ لڑکی کی قیام گاہ پہنچی۔ ٹیم نے خاندان کو کم عمر لڑکیوں کی شادی کے نقصانات کے بارے میں بتایا اور انہیں شادی روک دینے کی صلاح دی۔
شی ٹیم 16 سالہ کم عمر لڑکی کی شادی کو رکوانے میں کامیاب رہی۔ لڑکی اپنے ماموں کے ساتھ کیسرا میں رہتی ہے جبکہ لڑکی کی شادی 26 سالہ شخص کے ساتھ طے کی گئی تھی اور جواہر نگر میں واقع پداماں مندر میں شادی مقرر تھی۔
رچہ کنڈہ پولیس کمشنر مہیش بھگوت نے بتایا کہ کم عمر لڑکیوں کے افراد خاندان کی کونسلنگ کی گئی جس کے بعد انہوں نے شادی کا منصوبہ ترک کردیا ہے۔
پولیس نے مندر کے پچاریوں کو بھی کم عمر لڑکیوں کی شادی کروانے پر انتباہ دیا ہے۔ پولیس نے مزید بتایا کہ کم عمر بچوں کی شادی کروانا، اس کی اجازت دینا، شادی میں مدد کرنا، شادی کروانا جرم ہے اور اس کے خلاف قانون کے مطابق سخت کاروائی کی جائے گی۔
