شہر کے نائب قاضی کا غیر شرعی شادیوں میں شرکت سے انکار

حیدرآباد کے علاقہ آصف نگر کے نائب قاضی محمد سراج الدین رضوی نے ملک میں غیر شرعی شادیوں کے سلسلہ میں مسلم پرسنل لا بورڈ کے فیصلہ پر عمل کرتے ہوئے اس میں شریک نہ ہونے کا اعلان کیا ہے۔

ان کا کہنا ہے کہ جو شادی سنت رسول اللہ صلی اللہ علیہ وسلم کے فرمان اور تعلیمات کے مطابق ہوگی اس میں وہ بغیر معاوضہ نکاح پڑھائیں گے۔

انہوں نے علماء کرام و مشائخ اور سماجی سیاسی رہنماؤں سے اپیل کی ہے کہ وہ جہیز اور غیر اسلامی رسم و رواج کے مطابق ہونے والی شادیوں کی تقاریب میں شرکت نہ کریں۔ ان شادیوں کا کھل کر بائیکاٹ کیا جائے۔

جیہز کے لعنت کی وجہ سے مسلم لڑکیاں خود کشی کر رہی ہیں اور غیر مسلم لڑکیوں کے ساتھ شادی رچا رہی ہیں۔ حالات کو بہتر کرنے کی زمہ داری ہم سب پر ہے۔