ریاستی صدرایس آئی او ڈاکٹر طلحہ فیاض الدین نے انتظامیہ پر نکتہ چینی کرتے ہوئے کہا کہ 'نظامیہ طبی کالج کے طلبہ کا احتجاج ملک کے مختلف تعلیمی اداروں میں ہورہی جدوجہد کے لیے مشعل راہ ہے جس کو انتظامیہ بالخصوص ادارہ کے پرنسپل اور پولیس کی جانب سے دبانے کی کوششیں کی جارہی ہیں بالخصوص حیدرآباد پولیس کا کیمپس میں گھس کر طلبہ کو دھمکانا اور ہراساں کرنا ایک انتہائی شرمناک فعل ہے اور جس طرح پرامن طلباء کے خلاف مختلف معاملات درج کرنے کا انتباہ دیا گیا وہ قابلِ مذمت ہے۔'
ڈاکٹر طلحہ نے مزید کہا کہ 'نظامیہ کالج ہو یا کوئی اور ادارہ، طلباء کو دستوری طور پر عطا کردہ حقِ احتجاج کو ہڑپ کرنے کی کوشش کرنا دراصل جمہوریت کی بنیادوں پر وار کرنا ہے۔ پر امن طلباء پر پولیس کی زیادتیاں اور انتظامیہ کا دباؤ بنانے کی کوشش کرنا ناقابل قبول ہے۔'
